O sábado 22 de novembro, de 11 a 13 h, celebramos o International Games Month (IGM) na Biblioteca Sagrada Familia cunha sesión de xogos para rapazada de 6 a 12 anos.

Un ano máis, sumámonos a esta interesante iniciativa promovida por unha organización internacional do ámbito bibliotecario, a American Library Association (ALA), que aposta por poñer en valor o importante papel que poden exercer os xogos nas bibliotecas.

Trátase dunha actividade deseñada para aprender, interactuar e, sobre todo, divertirse.

Como funciona a actividade?

• Formato: Organizaremos 4 mesas de xogo, con grupos de ata 4 participantes por mesa.

• Partidas: Serán curtas e dinámicas (máximo 30 minutos).

• Xogos: A selección de xogos estará totalmente adaptada ás idades e ao perfil dos grupos.

• Guías: Contaremos con 2 monitores de Metrópolis Cómics que explicarán as regras e dinamizarán as partidas.

Obxectivo: Con esta actividade buscamos promover habilidades, fomentar a interacción e achegar a biblioteca á poboación máis nova a través do xogo.