Para despedir o curso, dende o Club de lectura xuvenil O Ensanche, da Biblioteca Municipal Durán Loriga , queremos celebrar o noso último encontro cunha actividade moi especial á que os mozos e mozas de 12 a 16 anos estades convidados.

Trátase dun taller de iniciación á fotografía da man da fotógrafa Carmen Martínez, que propón un achegamento creativo e persoal á linguaxe fotográfica. A través de exercicios prácticos, exploraremos a fotografía non só como técnica, senón como ferramenta de observación, expresión e autocoñecemento.

Inspirado na novela gráfica A guerra de Catherine, de Julia Billet e Claire Fauvel, o taller conecta a imaxe coa memoria, a identidade e a forma en que cada persoa mira o mundo, poñendo o foco no desenvolvemento da sensibilidade, a creatividade e a identidade na adolescencia, utilizando a fotografía como ferramenta accesible e significativa.

Queremos abrir esta experiencia a toda a rapazada que estea interesada nesta aventura visual.

Apúntaste a mirar o mundo connosco?