Xogos para todos os gustos e todas as idades nas bibliotecas Ágora, Durán Loriga, Sagrada Familia, Fórum e Os Rosales.

Como buscar no catálogo?

Vas a unha festa con amizades e apetéceche levar un xogo? Tes vinte minutos e queres desconectar? Na sección "por contexto" dámosche as chaves para atopar os xogos que necesitas. Se o teu son os xogos de preguntas e respostas ou se prefires a estratexia ou os roles ocultos, dentro de "por mecánica" tes toda a información que precisas. Xogos de fichas, de dados, de cartas ou de taboleiro recóllense dentro de "por compoñentes".

Usa os termos "xogos de mesa" para recuperar todos os xogos dispoñibles nas bibliotecas.

Se fas unha busca e seleccionas un dos xogos que che aparecen nos resultados chegas á ficha dese xogo. Premendo no botón "máis información", poderás ver as idades recomendadas, os compoñentes do xogo, a duración das partidas e nalgúns casos, unha ligazón a un titorial en liña.