Con motivo do 30.º aniversario do Servizo Voluntario Europeo, orixe do actual Corpo Europeo de Solidariedade, quéreselles render homenaxe a todas as persoas que formaron parte desta gran comunidade: voluntarios e voluntarias, entidades de acollida e envío, persoal técnico de mocidade e organizacións que, durante estas tres décadas, fixeron posible que o voluntariado europeo transformase vidas e comunidades.

Con todo o material recibido elaborarase un vídeo conmemorativo que se estreará o próximo 5 de decembro, Día Internacional do Voluntariado.

QUE MATERIAL SOLICITAN?

Fotografías:

• De calquera momento destes 30 anos de voluntariado europeo.
• En formato JPG vertical ou horizontal.
• Individuais ou en grupo, durante actividades, formacións, proxectos ou momentos cotiáns.

Vídeos:

• Imaxes de proxectos, actividades, encontros ou experiencias de voluntariado.
• En formato vertical ou horizontal e coa mellor calidade posible.

Vídeo testemuño:

• Duración máxima: 20 segundos.
• Gravado en vertical e/ou, se for posible, nun lugar tranquilo e con boa iluminación.
• Cando te graves, continúa algunhas das seguintes frases:
  • Facer un voluntariado europeo ensinoume que...
  • Se tivese que resumir o meu voluntariado nunha soa palabra, sería...
  • Grazas ao voluntariado europeo, agora eu...
  • O meu momento favorito da experiencia foi cando...