A Rede de Servizos Municipais de Información Xuvenil establece como obxectivos principais:

1) Proporcionar aos mozos da cidade, fundamentalmente de entre 12 e 30 anos, a información necesaria para lograr a súa participación activa e responsable na sociedade.

2) Posibilitar a igualdade de oportunidades e facilitar a transición á vida adulta.

3) Ser un catalizador de intereses e demandas da mocidade coruñesa.

4) Converterse en observatorio permanente dos intereses, necesidades e iniciativas dos mozos, podendo extraer conclusións de interese para a planificación de accións das diversas entidades municipais.

O CMIX creouse no ano 1.990, e pertence á Rede Galega de Documentación e Información Xuvenil. Esta rede está regulada en virtude da lei 6/2012, de 19 de xuño, de mocidade de Galicia. (DOG nº 139 do 20 de xullo).

CANLES

1. INFORMACIÓN E ASESORAMENTO: en persoa, por teléfono, por correo electrónico (cmix@coruna.es), WhatsApp (606.362.366), a través do sitio web www.coruna.gal/informacionxuvenil, e nas súas redes sociais Facebook, e Twitter.
2. AUTOINFORMACIÓN: a través de paneis, dossieres, da web www.coruna.gal/informacionxuvenil, e de redes sociais.
3. DOCUMENTACIÓN: préstamo a domicilio de guías de viaxes, préstamo e consulta en sala. Os fondos da área de Documentación están referenciados e poden ser consultados a través do catálogo en liña do sistema de Bibliotecas Municipais (www.coruna.gal/bibliotecas)
   • Biblioteca: Composta por monografías, dossieres de autoinformación, folletos, directorios de recursos e numeroso material documental en diversos formatos (dípticos, carteis, material autoeditado...).
   • Hemeroteca: revistas, boletíns informativos.
   • Viaxeteca: Servizo de préstamo a domicilio de guías turísticas para socios das Bibliotecas Municipais da Coruña, mapas de situación e de estradas, planos das cidades máis importantes, aloxamentos, rutas, deportes alternativos...
4. PÁXINA WEB
5. REDES SOCIAIS E BOLETÍNS ELECTRÓNICOS DE INFORMACIÓN