Os Servizos de Información Xuvenil do concello da Coruña poñen a disposición dos seus usuarios e usuarias un servizo de información sobre viaxes con recursos que che permitirán coñecer todas as posibilidades que che ofrecen os destinos que queiras visitar, e axudámosche na planificación e na organización das túas viaxes.

• Sección especializada en viaxes e xeografía na Viaxeteca do Espazo de Información Xuvenil no centro Ágora. Consulta o Catálogo das Bibliotecas Municipais (seleccionando a sucursal "Información Xuvenil") para coñecer os nosos fondos.
• Servizo de Préstamo Viaxeteca para os/as socios/as da rede de Bibliotecas Municipais da Coruña.
• Dossieres de información cun completo fondo documental composto por folletos, mapas, planos, rutas..
• Espazo de turismo nesta web con información básica á hora de planificar unha viaxe e algunhas suxestións para a xente máis nova.