4 resultados

• Voluntariado Monte da Fraga: Establecemento de microhábitats para o fomento da biodiversidade

  

  Cando:

  18/10/2026

  O obxectivo desta nova acción no Monte da Fraga, programada pola Oficina de Sustentabilidade da UDC, será o establecemento de microhábitats que cumpran unha dobre función: fornecer espazos de acubillo e asentamento para a fauna e flora silvestres, ao tempo que acondicionar unha barreira física arredor da charca do Monte da Fraga, procurando a súa perdurabilidade. Para isto será preciso amorear a man diferentes materiais (pedras, lousas e tocóns), aos que iredes dando forma arredor da charca. Unha nova acción a prol do patrimonio natural deste espazo, que será monitorizada polo Grupo Naturalista Hábitat.

• XII Outubro UDC Saudable e Sustentable

  

  Cando:

  ata o 31/10/2026

  Inscricións:

  Ficha de inscrición.

  A Oficina de Sustentabilidade da Universidade da Coruña organiza durante o mes de outubro un programa de actividades de voluntariado e participación ambiental que combina o coidado da natureza coa promoción dun estilo de vida saudable e sustentable.

• Seminario informativo sobre Voluntariado Europeo | Corpo Europeo de Solidariedade

  

  Cando:

  29/10/2026

  A Fundación Paideia Galiza organiza un novo seminario informativo para explicar en que consiste o programa de Voluntariado na UE, un proxecto enmarcado dentro do Corpo Europeo de Solidariedade. Queres saber en que consiste programa de mobilidade europea do Corpo Europeo de Solidariedade? Que cobre? Como solicitar un proxecto?

• Antenas de Información Xuvenil curso 2026-2027

  

  Cando:

  O programa AIX desenvolverase de novembro 2026 a maio 2027

  Inscricións:

  Prazo de envío de solicitudes do 25/09/2026 ata o 13/10/2026, ambos incluidos

  O Concello da Coruña, a través da Concellaría da Área de Benestar Social, Participación e Igualdade convoca o programa educativo “Antenas de Información Xuvenil (AIX)” para o curso escolar 2026/2027, dirixido aos centros de ensino públicos e concertados que imparten ESO e Bacharelato, IES, CIFP, a Escola Oficial de Idiomas, a Escola de Arte e Superior de Deseño Pablo Picasso e o Conservatorio Profesional de Música, entre outros.

resultados 4