8 resultados

• Cineclub Bóveda: "Bárbara"

  

  Cando:

  27/02/2026

  O Cineclub Bóveda, da Agrupación Cultural Alexandre Bóveda, programa unha nova sesión de cinema para este mes coa proxección da película "Bárbara" (2012), do director alemán Christian Petzold, película gañadora do premio á mellor dirección na Berlinale e afinado retrato social e político dos estertores da época socialista en Alemaña.

• Norte Cinema Diverso proxecta "Maspalomas"

  

  Cando:

  26/02/2026

  "Norte Cinema Diverso" adía a celebración do festival de cinema LGTBIQ+ ao mes de novembro pero, como antesala da que será a súa 4ª edición, organizan este mes de febreiro unha sesión especial no Teatro Colón coa proxección de "Maspalomas" e un coloquio a cargo da Fundación 26 de Diciembre.

• Ciclo Mulleres de Cine

  

  Cando:

  Dende o 07/03/2026 ata o 22/03/2026

  O Teatro Colón acollerá ao longo do mes de marzo o ciclo Mulleres de Cine, unha programación impulsada con motivo do Día Internacional da Muller que pon no centro a creadoras e referentes da cultura galega. Cada sesión incluirá unha presentación a cargo das programadoras convidadas, que compartirán a súa visión sobre a obra seleccionada e o seu vínculo co 8M.

• O documental do mes: "Cutting Through Rocks"

  

  Cando:

  05/03/2026

  En marzo proxéctase no Fórum Metropolitano, dentro do ciclo “O documental do mes”, a película dirixida por Sara Khaki e Mohammadreza Eyni "Cutting Through Rocks", un documental que narra a historia de Sara Shahverdi, primeira concelleira electa do seu pobo natal en Irán que se propuxo romper tradicións patriarcais moi arraigadas. Gran Premio do Xurado do Festival de Sundance 2025.

• "O Aparecido"

  

  Cando:

  02/03/2026

  A asociación veciñal Oza Gaiteira Os Castros vai proxectar , no Fórum Metropolitano, o documental "O Aparecido" .

• Filmoteca de Galicia: programación febreiro 2026

  

  Cando:

  Dende o 03/02/2026 ata o 28/02/2026

  A Filmoteca de Galicia presenta a súa programación para febreiro que inclúe os ciclos "A arte de perderse" dedicado ao director xaponés Hiroshi Shimizu , "Béla Tarr / László Krasznahorkai" sobre a colaboración entre o director húngaro e o Nobel de Literatura, "Territorios Mutantes: paisaxes que senten. Cinema e Posthumanismo", a 2ª parte de "De xasmín e cascallos: cinema desde o Líbano" e a 4ª parte de "Compartir o cinema: 20 anos de Cinema en Curso", xunto aos filmes das habituais seccións "Materiais para unha historia do cine en Galicia", "Off Galicia" e "Filmoteca Jr.".

• Programación Sala Fernando Rey, febreiro 2026

  

  Cando:

  Dende o 05/02/2026 ata o 07/03/2026

  A sala Fernando Rey do Fórum Metropolitano presenta no mes de febreiro un ciclo de películas de estreo.

• Programación Sala Marilyn Monroe, febreiro 2026

  

  Cando:

  Dende o 06/02/2026 ata o 07/03/2026

  A sala Marilyn Monroe do Fórum Metropolitano presenta no mes de febreiro o ciclo de cinema "Pasaron por San Sebastian".

resultados 8