Inscrición nas probas

DATAS DE INSCRICIÓN PARA AS PROBAS:

• Proba que substitúe o requisito de titulación para o acceso ao grao medio e/ou Proba específica de grao medio: até o 25 de xuño de 2026.
• Proba que substitúe o requisito de titulación para o acceso ao grao superior: até o 15 de maio de 2026.

LUGAR DE INSCRICIÓN: na secretaría dalgún dos centros públicos docentes vinculados a cada modalidade. As persoas aspirantes só poderán realizar a proba no centro en que formalicen a inscrición. Excepcionalmente, na modalidade de Fútbol a solicitude poderá presentarse no IES Río Cabe (Monforte de Lemos), indicando en cal dos dous centros asignados solicita realizar a proba. Así mesmo, na modalidade de Atletismo a solicitude poderá presentarse no IES Nosa Señora dos Ollos Grandes (Lugo).

Modalidade	Centros
Fútbol	CIFP Universidade Laboral (Culleredo) IES Sánchez Cantón (Pontevedra) IES Río Cabe (Monforte de Lemos)
Fútbol sala	CIFP A Farixa (Ourense)
Baloncesto	CIFP Fontecarmoa (Vilagarcía de Arousa)
Balonmán	IES Sánchez Cantón (Pontevedra)
Atletismo	IES Nosa Señora dos Ollos Grandes (Lugo) IES As Barxas (Moaña)
Vela	CIFP Fontecarmoa (Vilagarcía de Arousa)

RELACIÓN PROVISIONAL DE PERSOAS INSCRITAS nos taboleiros dos centros e www.edu.xunta.gal: 

• proba que substitúe o requisito de titulación para o acceso a grao superior: 18 de maio
• proba que substitúe o requisito de titulación para o acceso ao grao medio e probas específicas: 26 de xuño.

RECLAMACIÓNS a través das secretarías dos centros nos cales se presentou a solicitude:

• días 19 e 20 de maio para as aspirantes ás que substitúe o requisito de titulación para o acceso ao grao superior
• días 29 e 30 de xuño para o resto de aspirantes.

RELACIÓN DEFINITIVA DE PERSOAS INSCRITAS nos taboleiros dos centros e www.edu.xunta.gal:

• proba que substitúe o requisito de titulación para o acceso ao grao superior: 25 de maio
• proba que substitúe o requisito de titulación para o acceso ao grao medio e nas probas específica: 1 de xullo.

Probas, datas e lugares

- Probas substitutivas de titulación: realizaranse no IES San Clemente de Santiago de Compostela nas seguintes datas:

• GRAO MEDIO: 3 de xullo de 2026. Presentación: 9:15h.  

Constará dos seguintes exames (tomaranse como referencia os currículos oficiais da ESO na Galicia):

1. Cuestións tipo test que se formulen referidas a contidos socioculturais (Xeografía e Historia).
2. Desenvolvemento por escrito, durante un tempo máximo 1 hora, das cuestións que se formulen sobre Lingua Galega. O primeiro exercicio será tipo test e o segundo consistirá na produción dun texto escrito.
3. Cuestións tipo test que se formulen referidas a contidos científico-tecnolóxicos (Matemáticas, Ciencias da Natureza e Tecnoloxía).
4. Desenvolvemento por escrito, durante un tempo máximo 1 hora, das cuestións que se formulen sobre Lingua Castelá. O primeiro exercicio será tipo test e o segundo consistirá na produción dun texto escrito.

A proba que substitúe o requisito de titulación para o acceso aos ciclos de grao medio poderase substituír pola superación dalgunha das seguintes proba:

1. Proba de acceso a ciclos formativos de grao medio de formación profesional.
2. Parte común da proba de acceso aos ciclos formativos de grao superior de formación profesional.
3. Proba que substitúe o requisito de titulación para o acceso aos ciclos formativos de grao medio de artes plásticas e deseño.
4. Proba que substitúe o requisito de titulación para o acceso aos ciclos formativos de grao superior de artes plásticas e deseño.
5. Proba de acceso á universidade para maiores de 25 anos.

• GRAO SUPERIOR: 26 de maio de 2026. Presentación 9:30h.

Constará dos seguintes exames (tomaranse como referencia os currículos oficiais do bacharelato na Galicia):

1. Filosofía. O primeiro exercicio será tipo test e o segundo consistirá na elaboración dunha redacción a partir dun texto proposto.
2. Historia de España. O primeiro exercicio será tipo test e o segundo consistirá na elaboración dunha redacción a partir dun texto proposto.
3. Lingua Galega e Literatura. O primeiro exercicio será tipo test e o segundo consistirá na produción dun texto escrito.
4. Lingua Estranxeira (inglés ou francés). O primeiro exercicio será tipo test e o segundo consistirá na produción dun texto escrito.
5. Lingua Castelá e Literatura. O primeiro exercicio será tipo test e o segundo consistirá na produción dun texto escrito.

A proba que substitúe o requisito de titulación para o acceso ao grao superior poderase substituír pola superación dalgunha das seguintes probas:

1. Parte común da proba de acceso aos ciclos formativos de grao superior de formación profesional.
2. Proba que substitúe o requisito de titulación para o acceso aos ciclos formativos de grao superior de artes plásticas e deseño.
3. Proba de acceso á universidade para maiores de 25 anos.

- Probas específicas de acceso de grao medio:

Modalidade	Data	Lugar
Fútbol sala	16 de xullo	CIFP A Farixa. IES As Lagoas, rúa Blanco Amor, nº 2, Ourense
Fútbol	15 de xullo	CIFP Universidade Laboral, rúa Salvador Allende, s/n, Culleredo IES Sánchez Cantón. Campo de fútbol Manolo Barreiro, 1, rúa Celso Emilio Ferreiro, 888, Pontevedra
Baloncesto	16 de xullo	CIFP Fontecarmoa, rúa Fontecarmoa, 92, Vilagarcía de Arousa
Balonmán	15 de xullo	IES Sánchez Cantón. Pavillón multiúsos da Xunqueira, rúa Celso Emilio Ferreiro, 1ª travesía, Pontevedra
Vela*	16 de xullo	CIFP Fontecarmoa. Centro Galego de Vela, Rampla Cavadelo, s/n, Vilagarcía de Arousa
Atletismo	17 de xullo	IES As Barxas. Pistas de atletismo da Xunqueira, avenida Porta do Sol, s/n, Moaña

* a data do exame poderá variar no caso de non darse as condicións meteorolóxicas necesarias.

Consultar modelos das probas en www.edu.xunta.gal