Concello da Coruña

Concello da Coruña

Información Xuvenil

Área de Benestar Social

Convocatoria do Programa Erasmus + Prácticas 2026/27

Co fin de contribuír a que as persoas se adapten ás esixencias do mercado laboral europeo, adquiran aptitudes específicas e melloren a súa comprensión do contorno económico e social de Europa, ao tempo que adquiren experiencia laboral, A Universidade da Coruña publica a Convocatoria de bolsas de mobilidade internacional de estudantes para prácticas en empresas para o curso 2026/207

A quen vai dirixido?:

Esta convocatoria está destinada ao estudantado de grao, máster e doutoramento da Universidade da Coruña (UDC), para que poidan realizar prácticas en empresas ou institucións de calquera dos países participantes no Programa Erasmus+ SMT (Acción Clave 1) durante o curso académico 2026/27.

A quen vai dirixido:

Para público en xeral

Inscricións:

Ata o 31/03/2027

Ás 23:59 h. As solicitudes presentaranse obrigatoriamente a través do Portal de solicitude

Requisitos:

  • O/a estudante ten que estar matriculado/a na UDC no momento de presentar a súa solicitude.
  • Ter o DNI ou documento equivalente en vigor desde o momento da solicitude ata o final da mobilidade.
  • O estudante non pode ter realizado previamente outra mobilidade con fin de prácticas no mesmo ciclo de estudos (grao, máster ou doutoramento) que está a cursar.
  • O estudante non poder ter realizado previamente e dentro do mesmo ciclo de estudos (grao, mestrado ou doutoramento) outras mobilidades no marco do programa erasmus que, sumadas á que solicita, superen os doce meses de duración.
  • O estudante deberá cumprir os requisitos de idiomas estranxeiros que se establecen no apartado 5 da convocatoria.
  • O estudante debe contar cun acordo de formación nas condicións sinaladas na convocatoria. As persoas que soliciten unha mobilidade de prácticas serán responsables de buscar a empresa ou institución en que realizarán as prácticas.
  • Poderán ser elixibles as empresas ou institucións dos 26 países membro da UE (agás España), os tres países do Espazo Económico Europeo (Islandia, Liechtenstein e Noruega), ademais de Turquía, Macedonia e Serbia.
  • Duración da estadía:
  • As estadías realizaranse entre o 1 de xullo de 2026 e o 30 de xuño de 2027, e terán unha duración de entre dous e doce meses.
  • As estadías da modalidade "Estudantado en prácticas" deberán completarse na súa totalidade antes de que o/a estudante solicite o depósito do seu título
  • As estadías da modalidade "Estudantado recentemente titulado en prácticas", deberán realizarse durante o ano seguinte á graduación do/de a estudante na titulación coa que solicitou a mobilidade. Para estes efectos, considérase que o "ano seguinte" comezará o día en que o estudantado presenta a solicitude de depósito do título.

Páxina web:

Erasmus+ prácticas

Contacto:

Universidade da Coruña

Rúa da Maestranza 9, 15001 A Coruña, 

Teléfono de atención ao alumnado: +34 881 01 11 11. 

Cita previa

Documentos:

Convocatoria Erasmus + prácticas 2026/27 (486 KB)

MODALIDADES:

  • A. Estudantado en prácticas: esta modalidade abrangue todas aquelas persoas solicitantes que realizan o seu período de prácticas mentres estean matriculadas como estudantes na UDC.
  • B. Estudantado recentemente titulado en prácticas: esta modalidade está orientada a aquel estudantado que solicite a mobilidade no seu último ano de estudos e realice e remate a súa estadía de prácticas no ano inmediatamente posterior ao depósito do título na UDC.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión