Concello da Coruña

Concello da Coruña

Información Xuvenil

Área de Benestar Social

Programa Arquia/Bolsas 2026

A Fundación Arquia convoca a XXVII edición de Arquia/Bolsas, un programa de bolsas de prácticas profesionais en estudos e institucións de referencia dirixidas a estudantes de arquitectura e arquitectos/as recentemente titulados/as. Nesta edición convócanse 53 bolsas en estudos profesionais e institucións de arquitectura situados en España, Portugal, outros países europeos, Reino Unido e Estados Unidos.

A quen vai dirixido:

Para público en xeral

Inscricións:

Ata o 26/03/2026

excepto modalidade de participación para destinos en EEUU: inscrición ata 24/02/2026

Requisitos:

  • Poderán optar á bolsa aqueles estudantes de arquitectura e novos arquitectos con nacionalidade española, portuguesa ou cidadáns con permiso de residencia en España ou Portugal
  • Requisitos para Estudantes: estar matriculados no Grao de Arquitectura, dobres graos con Arquitectura e/ou Máster Habilitante e superar nalgunha escola de arquitectura de España ou Portugal, como mínimo, o 60% dos créditos (ECTS) da titulación habilitante para exercer a profesión de arquitecto/a.
  • Requisitos para Arquitectos/as: obter o título para exercer a profesión de arquitectura a partir do xaneiro de 2025, nunha universidade de España ou Portugal ou obter o título fóra dos devanditos países e homologado nalgún deles.
  • Esta edición de arquia/bolsas ofrece 3 modalidades de participación, todas elas compatibles entre si:
    • a) Expediente académico (destinos europeos): as persoas serán seleccionadas polo seu expediente académico, que se valorará pola media das notas obtidas nas materias superadas da carreira, así como pola media das notas obtidas nas materias superadas de Proxectos.
    • b) Concurso (destinos europeos): as persoas serán seleccionadas en virtude do material achegado ao tema do concurso proposto nesta edición conforme ás condicións establecidas as bases.
    • c) Portfolio (destinos en EEUU): a selección de candidaturas levará a cabo a través da revisión do portfolio persoal de traballos presentado e a posterior entrevista co centro de destino.

Remuneración / Custo:

A dotación económica establécese en función do ámbito xeográfico do destino e da duración da bolsa (consultar dotación específica de cada programa nas bases)

Páxina web:

https://fundacion.arquia.com

Contacto:

Fundación Arquia

C/ Barquillo, 6 (28004 - Madrid)

Tel.: 91 756 10 50

correo-e: becas@arquia.es

Convócanse un total de 53 bolsas de prácticas profesionais, distribuídas da siguente maneira:

  • 25 bolsas para prácticas profesionais, non laborais, en estudos de arquitectura situados en España e Portugal.
  • 5 bolsas para prácticas profesionais, non laborais, en estudos de arquitectura situados en Francia, Alemaña, e Países Baixos.
  • 4 bolsas para prácticas profesionais, non laborais, en institucións españolas enfocadas en urbanismo, innovación e desenvolvemento da cidade
  • 8 bolsas para prácticas profesionais, non laborais, en institucións vinculadas coa xestión da cultura arquitectónica en España, Portugal e Italia
  • 6 bolsas para prácticas profesionais, non laborais, en institucións públicas españolas de ámbitos vinculados á arquitectura.
  • 5 bolsas para prácticas profesionais en estudos de arquitectura dos Estados Unidos

Non perdas

Non perdas

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión