Concello da Coruña

Concello da Coruña

Información Xuvenil

Área de Benestar Social

Subvencións enmarcadas no programa Servizo de voluntariado xuvenil

A Consellería de Cultura, Lingua e Xuventude convoca subvencións ás entidades de acción voluntaria e entidades locais co obxectivo de favorecer a participación das persoas mozas galegas na realización de proxectos de voluntariado.

A quen vai dirixido:

Para público en xeral

Inscricións:

Ata o 02/03/2026

Duración:

Entre 15 e 60 días desde o 1 de xaneiro de 2026 ata o 30 de setembro de 2026.

Requisitos:

  • Entidades de acción voluntaria e entidades locais que realicen proxectos de voluntariado enmarcados no programa Servizo de voluntariado xuvenil do ano 2026.
  • As entidades locais poderán concorrer á convocatoria de xeito individual ou conxuntamente baixo as fórmulas de agrupación, asociación, mancomunidade ou calquera outra similar. Tamén poderán concorrer as entidades locais que sexan resultado dunha fusión doutras anteriores.
  • Estar legalmente constituídas, de conformidade coa natureza das ditas entidades e inscritas no Rexistro de Acción Voluntaria de Galicia
  • Desenvolver os proxectos subvencionables na Comunidade Autónoma galega a través de persoas voluntarias.
  • As persoas voluntarias serán persoas mozas de idades comprendidas entre os 16 e os 30 anos. Para as persoas menores de 18 anos precísase, ademais, autorización da nai, pai ou persoa que exerza a titoría legal.
  • Ter debidamente contratados todos os seguros de responsabilidade civil e de accidentes de todas as persoas voluntarias que participen no proxecto presentado, durante todo o tempo de execución deste.

Remuneración / Dotación:

A contía da subvención que se conceda a cada entidade calcularase a razón de 10 euros por persoa voluntaria e día, dos cales 6 euros diarios serán entregados pola entidade a estas, para cubrir os custos de desprazamento e manutención, mentres que os 4 euros restantes empregaraos a entidade para cubrir os gastos dos seguros de accidentes e de responsabilidade civil das persoas voluntarias, así como os gastos correntes.

Páxina web:

www.xunta.gal/cultura-linguaxuventude

Contacto:

Dirección Xeral de Xuventude. Servizo de Voluntariado e Participación

San Lázaro, s/n. 15781  Santiago de Compostela 

Teléfono: 981 957 916

Correo electrónico: voluntariado@xunta.gal

Publicación: DOG 30/01/2026

Sede electrónica (sede.xunta.gal): procedemento BS320A

Serán subvencionables os proxectos de acción voluntaria presentados por entidades de acción voluntaria e entidades locais. Estes proxectos desenvolveranse preferentemente nalgunha das seguintes actividades:

  • Actividades relacionadas co Camiño de Santiago.
  • Actividades de recuperación da cultura/arte/tradicións populares galegas.
  • Actividades con colectivos en situación de risco.
  • Actividades xuvenís.
  • Actividades ambientais.
  • Actividades relacionadas coa igualdade de xénero ou aquelas que desenvolvan medidas orientadas á prevención e sensibilización en materia de violencia de xénero.
  • Actividades relacionadas co ámbito familiar.
  • Actividades relacionadas coa posta en valor do medio rural.
  • Actividades relacionadas co benestar das persoas maiores.

Non perdas

Non perdas

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión