Desde a Concellería de Igualdade, Benestar Social e Participación, coa intención de traer ao presente esta Muller sen límites que loitou por traspasar as barreiras de cristal impostas pola época na que viviu, convócase un concurso no cal, a través dos ollos da xente nova do muncipio, represéntense, de forma gráfica e escrita, as inquietudes relacionadas coa igualdade e a diversidade de antes e de agora.

O concurso desenvolverase en dúas modalidades:

• Modalidade gráfica (ilustracións artísticas)
• Modalidade literaria (texto de estilo libre)

Poderán participar os mozos con idade comprendida entre os 12 e os 30 anos (ambos os incluídos), na que poderán presentar soamente unha obra orixinal, inédita e non premiada con anterioridade. Repartidas en diferentes categorías:

• Categoría I, na que poderán participar mozas de entre os 12 e os 15 anos.
• Categoría II, na que poderán participar mozas de entre os 16 e os 17 anos.
• Categoría III, na que poderán participar mozas de entre os 18 e os 30 anos.

O veredicto do concurso publicarase o 23 de abril, Día Internacional do Libro.