Pode participar neste concurso calquera persoa ou grupo de persoas maiores de 16 anos  que demostren un axeitado nivel artístico no campo de pintado de murais ao aire libre.

O tema sobre o que versarán os traballos será o Concello de O Pino en si mesmo en atención a súa especialidade como última etapa do Camiño Francés como a súa Festa do Galo.

Os traballos serán orixinais e inéditos.

As dimensións e a superficie dispoñible para o pintado do muro abranguen unha lonxitude aproximada de 33,00 metros e unha altura media de 2,50 metros, o que supón unha superficie útil estimada de 82,50 m² para a realización do mural.

Non se admitirán traballos que teñan contidos políticos, irreverentes, obscenos, xenófobos ou calquera outro que atente contra a dignidade das persoas.