Poderá concorrer a estes premios calquera persoa física, agrupación con ou sen personalidade xurídica, organización social e empresarial, institución, administración pública e calquera outra entidade pública ou privada que inicie ou desenvolva en territorio español algún proxecto, programa, actividade ou plan innovador, coincidente cos obxectivos e principios da Estratexia NAOS.

Cada proxecto, programa, actividade ou plan innovador que queira concorrer aos premios Estratexia NAOS só poderán ser presentado a unha modalidade dos mesmos.

Calquera persoa física, agrupación con ou sen personalidade xurídica, organización social e empresarial, institución, administración pública ou calquera outra entidade pública ou privada poderá presentar máis dun proxecto ou programa diferente, para optar ás modalidades dos Premios Estratexia NAOS.

As candidaturas para o premio Estratexia NAOS de especial recoñecemento serán propostas polas distintas administracións públicas españolas cuxa actividade estea relacionada cos obxectivos da citada estratexia.

Aqueles proxectos ou programas que fosen premiados en anteriores convocatorias destes premios Estratexia NAOS, non poderán presentarse de novo a ningunha das modalidades dos premios. As solicitudes que non recibisen ningún premio ou as que só se lles outorgou accésit poderán presentarse de novo a outras convocatorias, coas actualizacións que se estimen pertinentes.