A xornada estruturarase en dúas sesións diferenciadas: unha sesión matinal, dirixida ao alumnado do CPR Agarimo e do CEE Nosa Señora do Rosario; e unha sesión de tarde aberta ao público, con entrada gratuíta e que require de inscrición previa.

Durante a sesión da mañá, os asistentes poderán escoitar a Lara Mariño Neira, do Servizo especializado na inclusión de persoas con discapacidade na empresa ordinaria de COGAMI. Tamén intervirán Andrea Castromil e María Ucidea, da Fundación Amador de Castro; alumnado do CEE Nosa Señora do Rosario e Pedro Gende, exalumno do CPR Agarimo, quen compartirá a súa experiencia persoal no acceso ao emprego.

Pola tarde, de 18:00 a 19:30 horas, a xornada estará aberta ao público en xeral e contará coa participación de distintas entidades que traballan no ámbito da inserción laboral. Entre elas, a Fundación Adecco, a través de Rafael Sancho, que presentará o programa "Plan Familia: inserción laboral de persoas con discapacidade"; e Down Coruña, coa presenza de María José España, que abordará a metodoloxía de Emprego "con Apoio". Intervirá tamén Jacinto Hermida López, usuario do Servizo de Emprego de COGAMI, quen compartirá a súa experiencia en primeira persoa.