Programa:

Xoves, 24 de setembro:

• 17:30 horas: obradoiro de estampaxe no que as persoas participantes poderán elaborar a súa propia diadema inspirada no Tesouro de Elviña, guiadas polo arqueólogo experimental Vítor García Piñeiro.

Venres, 25 de setembro:

• 17:30 horas: desenvolveranse simultaneamente un obradoiro de construción de valos tradicionais impartido polo canteiro Manuel Campos Vilaverde e unha visita guiada ao Castro de Elviña.

Sábado 26 de setembro:

• 09:30 horas: roteiro de natureza e historia pola contorna do castro da man de Alejandro Álvarez.
• 11:30 horas: abrirase o recinto arqueolóxico, que acollerá durante toda a xornada unha exposición fotográfica sobre memoria colectiva e unha ciclobiblioteca especializada en patrimonio e memoria. Tamén ás 11.30 horas terá lugar unha visita musicada ás escavacións recentes guiada polo arqueólogo municipal Marco Rivas Nodar.
• 13:00 horas: Anxo Moure ofrecerá unha primeira sesión de contacontos.
• 14:00 horas: xantar popular, concibido como un espazo de convivencia aberto á participación da veciñanza.
• 16:00 horas: Antón Cortizas impartirá un obradoiro de construción de brinquedos con refugallos.
• 16:30 horas: realizarase unha visita comentada á exposición fotográfica.
• 17:00 horas: haberá unha nova sesión de contacontos con Anxo Moure, así como a actividade participativa 'Os Foucellas da billarda', unha eira de aprendizaxe deste xogo tradicional.
• 19:00 horas: concerto do grupo Aghrú, que protagonizará o solpor musical co que concluirá esta edición.

Aquelas actividades que requiren inscrición previa poden reservarse a través do correo electrónico contacto@temponovo.gal ou do teléfono 651 498 212.