Sesión en liña que ofrecerá orientación práctica sobre o proceso de solicitude da axuda cultural de 400 euros destinada a quen cumpre 18 anos en 2026.

O Bono Cultural Xove é unha iniciativa para fomentar o acceso da mocidade á cultura e, ao mesmo tempo, apoiar ao sector cultural, que permite financiar a adquisición e o gozo de diferentes produtos, servizos e actividades culturais.

Durante o encontro abordaranse os requisitos de acceso, o funcionamento da plataforma de solicitude, os sistemas de identificación electrónica e as incidencias máis frecuentes detectadas en anteriores convocatorias. Ademais, as persoas asistentes poderán expor as súas preguntas en directo.