OBXECTIVOS: 

A xornada ten como obxectivo presentar os principais elementos da biodiversidade do ámbito territorial do Porto da Coruña e dar a coñecer diferentes exemplos de xestión e conservación da biodiversidade mariña en contornas portuarias.

Ao longo das dúas sesións abordaranse cuestións como a conservación da biodiversidade, as solucións baseadas na natureza aplicadas ao ámbito portuario, a renaturalización de espazos portuarios, a diversidade e ecoloxía da fauna mariña asociada ao litoral, a conservación das aves mariñas, os cetáceos ou o valor dos bosques de kelp fronte ao cambio climático. A actividade contará coa participación de persoal técnico de diferentes autoridades portuarias, así como de persoal investigador e especialistas en biodiversidade mariña.

LUGAR: 

• xoves 8 de outubro: Salón de Actos da Autoridade Portuaria da Coruña (Avda. Marina, 3 - A Coruña).
• venres 9 de outubro: Castelo de Santa Cruz, sede do CEIDA.