Programa Erasmus:

O Programa Erasmus (que forma parte das oito accións integradas en Sócrates) é o primeiro gran programa europeo en materia de ensinanza superior que acadou un grande éxito dende o seu inicio en 1987.

Este Programa ten como obxectivo principal incrementar a conciencia de cidadanía europea a través dunha mobilidade organizada que permite efectuar unha parte recoñecida dos estudos noutro país da comunidade.

A distribución das axudas aos estudantes e a súa selección realízase pola universidade de orixe do estudante. Os criterios de selección baséanse fundamentalmente en tres aspectos:

• O expediente académico.
• O coñecemento da lingua do país de destino.
• A motivación para realizar intercambios noutras institucións.