Unha característica fundamental destas ensinanzas é a esixencia dunha proba de acceso de carácter específico. Con ela débese demostrar un nivel de dominio suficiente da modalidade ou especialidade deportiva para poder seguir con aproveitamento e seguridade as ensinanzas.

Grao medio:

• Para acceder ao ciclo inicial dos ensinos de grao medio será necesario ter o título de graduado/a en Educación Secundaria Obrigatoria ou equivalente para os efectos académicos.
• Ademais dos requisitos xerais, para o acceso a calquera dos ciclos de ensino deportivo poderase requirir a superación dunha proba de carácter específico, ou acreditar un mérito deportivo.
• O título de graduado/a en Educación Secundaria Obrigatoria poderase substituír pola superación dunha proba na que se demostre a madurez en relación cos contidos que se determinen no currículo da ESO. Para realizar esta proba requírese unha idade mínima de 17 anos.
• A superación dos ciclos inicial e final de ensino deportivo dará lugar á obtención do título de técnico/a deportivo/a que corresponda.

Grao superior:

Para acceder ao ciclo de grao superior será necesario ter os títulos de:

• Bacharel ou equivalente para os efectos académicos.
• Técnico/a deportivo/a na correspondente modalidade ou especialidade deportiva.
• O título de bacharel poderá substituírse pola superación dunha proba na que se demostre a madurez en relación cos obxectivos do bacharelato. Para realizar esta proba necesítase ter 19 anos. Esta proba pódese substituír pola parte común da proba de acceso á formación profesional de grao superior.

* Proba de madurez: o título de bacharel poderase substituír pola superación dunha proba na que se demostre a madurez en relación cos obxectivos do bacharelato. Para realizar esta proba necesítase ter 19 anos.

Ademais dos requisitos anteriores, cada modalidade poderá esixir calquera das seguintes condicións:

• A acreditación de determinados méritos deportivos.
• A superación dunha proba de carácter específico da modalidade ou especialidade deportiva.

A superación do ciclo de grao superior dá lugar á obtención do título de técnico/a deportivo/a superior na modalidade ou especialidade deportiva.

Os títulos de técnico/a deportivo/a superior nas diferentes modalidades e especialidades deportivas permiten o acceso aos estudos universitarios.