- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da Área de Benestar Social, Participación e Igualdade. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Preparación exame certificación oficial Trinity B1, B2 e C1 - UNED
Cando:
Dende o 08/04/2026 ata o 06/05/2026, os mércores e venres
Inscricións:
- Matrícula seguimento en DIRECTO: ás 09:00h do día de celebración da última sesión do curso.
- Matrícula seguimento DIFERIDO: a semana previa á data de celebración dos exames de certificación.
A UNED imparte este curso de oito clases para explicar o contido dos exames internacionais do Trinity: en que consisten as catro partes do exame, o nivel de inglés necesario para realizalos, ferramentas para preparalos correctamente, e como afrontalos con soltura o día do exame. O seguimento pode facerse presencial e en liña en directo ou en diferido.
-
Actividades de abril nas Naves do Metrosidero
Cando:
Dende o 04/04/2026 ata o 26/04/2026
Presentamos as actividades de abril para o Espazo Xuvenil Naves do Metrosidero. Se tes entre 12 e 30 anos non dubides en anotarte.
-
Programa de prácticas Blue Book - Comisión Europea
Cando:
Os períodos de formación comezan o 1 de marzo e o 1 de outubro de cada ano. Actualmente está aberto o prazo de solicitude para a sesión que comeza en outubro de 2026.
Inscricións:
Ata o 07/04/2026
ás 10.00 horas (hora de Bruxelas).
O programa de prácticas Blue Book da Comisión Europea proporciona a mozos graduados de todo o mundo experiencia práctica na formulación de políticas e a administración da UE. Convócase dúas veces ao ano e ten unha duración de 5 meses.
-
Bolsas para deportistas individuais do Concello da Coruña 2026
Inscricións:
Dende o 06/04/2026 ata o 17/04/2026
O Concello da Coruña convoca 70 bolsas para a mellora e perfeccionamento de deportistas empadroados no Concello da Coruña que destaquen na participación de competicións oficiais de carácter individual nas distintas modalidades deportivas durante o ano 2026, co obxectivo de promover o deporte coruñés e conseguir logros deportivos para a cidade da Coruña.
-
Actividades no Planetario - Semana Santa
Cando:
Dende o 28/03/2026 ata o 06/04/2026
A programación do planetario da Casa das Ciencias, que incluirá catro sesións diarias do 28 de marzo ao 6 de abril, incorpora a estrea dunha sesión en directo cun contido especial dedicado ás eclipses solares, con motivo da que se poderá gozar desde A Coruña o 12 de agosto.
-
Programa de Bolsas IBM - Fundae: Certificado Ciencia de datos
Cando:
Programa de bolsas vixente ata o 17/03/2027.
Programa gratuíto e en liña, de 200 horas de duración, organizado por IBM en colaboración con Fundae. A ciencia de datos implica recompilar, limpar, organizar e analizar datos co obxectivo de extraer ideas útiles e predicir os resultados esperados.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible