SOLICITUDES: A solicitude presentarase en liña, no formulario dispoñible na páxina web de Xuventude. Prazo de solicitude:

• 1ª CONVOCATORIA: Do 13 de maio ás 9:00 horas ata o 25 de maio. Cada persoa solicitante só poderá enviar un formulario, no que elixirá ata un máximo de tres programas (identificados co seu código) por orde de preferencia. As prazas serán adxudicadas por rigorosa orde de recepción das solicitudes.
• 2ª CONVOCATORIA: Logo de asignadas as prazas da 1ª convocatoria, abrirase de novo o formulario na web para os programas con prazas dispoñibles, que permanecerá aberto ata 5 días antes do inicio do programa, de existir prazas vacantes. Poderá optar a estas prazas vacantes calquera persoa, incluso aquelas con praza xa adxudicada noutro programa na primeira convocatoria.

Logo de adxudicada a praza, a persoa solicitante recibirá un correo electrónico coas instrucións para o pagamento da cota e coa documentación que debe presentar, cuberta e asinada, no enderezo electrónico actividadesmais18.xuventude@xunta.gal O prazo para presentar esta documentación é de 2 días hábiles desde o envío do correo electrónico de adxudicación da praza.

PROGRAMAS: 

• SURF NA MARIÑA (Campamento xuvenil A Devesa, Ribadeo)
• ARTESANÍA NAS MANS (Albergue Allariz)
• AVENTURA NA MONTAÑA (Hotel Piornedo, Cervantes) 
• XEOCAMPAMENTO NAS MONTAÑAS DO COUREL (Acampamento O Caurel, Folgoso do Courel) 
• ECOVERÁN TERMAL EN LAIAS (Albergue Laias, Cenlle)

O Programa inclúe: 

• Unha programación de actividades de ocio educativo, alternativo, saudable e convivencial, así como o material necesario para o seu desenvolvemento.
• O aloxamento nun albergue xuvenil ou similar.  
• A manutención en réxime de pensión completa.
• Un equipo técnico de persoal especializado en animación sociocultural e actividades de tempo libre e actividades náuticas, de ser o caso. Para o caso das persoas con discapacidade que por razón das súas necesidades especiais precisen apoio, disporase de persoal que conte coa formación e experiencia necesarias para atendelas.
• Seguro de accidentes e de responsabilidade civil.

O desprazamento ata as instalacións onde se vai desenvolver o programa vai por conta das persoas que participan, tanto o día de incorporación como o día do remate da actividade.