A resolución da concesión do Bono Cultural Joven será notificada no prazo máximo de seis meses, que se contarán dende a data de presentación da solicitude. Unha vez ditada a resolución da concesión, a entidade colaboradora para a facilitación e xestión dos medios de pago emitirá as tarxetas prepago que se poderán descargar dende a App correspondente. No caso de que a persoa beneficiaria non dispoña dun teléfono intelixente ("smartphone") ou non tivese este a tecnoloxía NFC, e así o manifestase na súa solicitude, facilitaránselle tarxeta/s prepago físicas.

A persoa beneficiaria poderá gastar a axuda nas tres categorías de actividades, servizos e produtos subvencionables, nas entidades adheridas ao programa, que estarán listadas polo seu nome comercial e localización na base de datos da páxina web do Bono Cultural Joven. As persoas beneficiarias deberán subir á plataforma do Bono Cultural Joven o comprobante electrónico ou a imaxe dixitalizada do xustificante da compra efectuada na que consten, polo menos, os seguintes datos: importe, data e nome da entidade na que se realizase.