Concello da Coruña

Concello da Coruña

Información Xuvenil

Área de Benestar Social

Campos de voluntariado noutras Comunidades Autónomas 2026

A Consellería de Cultura, Lingua e Xuventude, a través da D. X. Xuventude, abre o prazo para solicitar a participación nos campos de voluntariado que se van desenvolver en Andalucía, A Rioxa, Aragón, Cantabria, Castela e León, Castela-A Mancha, Cataluña, Ceuta, Estremadura, Euskadi, Madrid e Navarra.

A quen vai dirixido:

Para público en xeral

Inscricións:

  • 1ª convocatoria: ata o 29/04/2026 ás 14:00 h.
  • 2ª convocatoria: desde o 20/05/2026 ás 9:00 h.

Duración:

Entre 10 e 15 días nos meses de xullo e agosto de 2026

Prezo:

  • Campos en Andalucía: 90 €
  • Campos na Rioxa, Aragón, Cantabria, Castela e León, Ceuta, Estremadura e Euskadi: 110 €
  • Campos en Castela A Mancha, Cataluña e Navarra: 120 €.
  • Campos en Madrid: de 18 a 24 anos 110 € / de 25 a 30 anos 121 €.

- Os campos inclúen os seguinte servizos:

  • Equipo de acollida e dinamización.
  • Materiais necesarios para desenvolveren as tarefas específicas de cada campo.
  • Programa con actividades de convivencia, de animación, de lecer e tempo libre.
  • Aloxamento e manutención durante todos os días que dure a actividade.
  • Seguro de accidentes e responsabilidade civil.

- Os campos non inclúen: traslado (ida e volta) ata o lugar da actividade.

Requisitos:

  • Persoas mozas galegas residentes en Galicia con idades comprendidas entre os 18 e os 30 anos (con excepcións: consultar tramos de idade concretos para cada campo de voluntariado na ficha específica)
  • Unha persoa non poderá ser adxudicataria de máis dun campo de voluntariado na 1ª convocatoria. Para participar nun segundo campo de voluntariado, haberá que esperar á segunda convocatoria.

Páxina web:

https://xuventude.xunta.gal/accion-de-veran

Contacto:

Consellería de Cultura. Lingua e Xuventude. Dirección Xeral de Xuventude

Tel.: 981 957 115 - 881 999 314

correo-e: camposdevoluntariado.xuventude@xunta.gal

Servizo de Xuventude e Voluntariado da Coruña

Rúa Vicente Ferrer, 2, 3º (15071 - A Coruña)

Tel.: 881 881 238 - 881 881 239 - 881 881 240 - 881 881 241

Os campos de voluntariado son actividades encamiñadas a favorecer e fomentar a convivencia, a participación, a tolerancia e a solidariedade entre a mocidade e a súa contorna, a través da colaboración desinteresada e voluntaria en traballos de diversa temática: arqueolóxicos, culturais, medioambientais, sociais...

No verán 2026 haberá dúas convocatorias con diferente prazo de solicitude:

  • 2ª CONVOCATORIA OU REPESCA: nova oferta de prazas. Os campos con prazas libres poderán ser os mesmos que os ofertados inicialmente ou novos. O prazo comezará o 20 de maio ás 9:00 h. e permanecerá aberto ata esgotar as prazas ou ata 5 días antes do inicio do campo.

As prazas serán adxudicadas por orde de recepción das solicitudes. Logo de adxudicada a praza, a persoa solicitante recibirá un correo-e coas instrucións para o pagamento da cota e para presentar a documentación, para o que terá un prazo de 2 días hábiles desde a recepción do correo-e.

Non perdas

Non perdas

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión