Nos adestramentos traballarase tanto a parte técnica do Kajukenbo, centrada na aprendizaxe e aplicación de diferentes técnicas de defensa, como unha parte de kickboxing, con exercicios de golpe, desprazamentos e traballo físico. A intensidade e os exercicios iranse adaptando ás características de cada grupo, polo que non é necesario contar con experiencia previa para comezar a practicalo.