O Día dos Mártires Galegos, celebrado o 17 de agosto, foi instituído no exilio en 1940 pola Irmandade Galega da Arxentina, presidida por Castelao, coincidindo co aniversario do fusilamento de Alexandre Bóveda. A data honra a memoria de Bóveda e de todas as persoas represaliadas polo franquismo, reivindicando os valores do galeguismo, a democracia e a xustiza social.

O acto institucional deste ano contará coa intervención de Sol Agra, deputada de Igualdade e Dereitos Civís da Deputación da Coruña, e incluirá a actuación musical de Sés, unha das artistas máis destacadas da música galega actual, recoñecida pola súa fusión de tradición e música de autor e polo seu compromiso social.