Que é o Diálogo coa Mocidade?

É unha iniciativa da Unión Europea que conecta os mozos cos responsables de políticas públicas. O obxectivo é claro: mellorar o deseño e a implementación das políticas que nos afectan, desde o ámbito local ata o europeo.

"Diálogo da UE coa Mocidade" quere que sexas a ponte entre as persoas novas e quen toma as decisións importantes.

Rol das Embaixadoras e Embaixadores do Diálogo:

Como Embaixador e Embaixadora serás responsable de:

• Organizar eventos e actividades para que outras persoas novas se unan ao movemento.
• Establecer diálogo entre persoas novas e responsables políticos.
• Colaborar con outras embaixadoras e embaixadores, así como entidades xuvenís.

Por que participar?

• Inflúe directamente nas políticas que lle afectan á mocidade.
• Desenvolve habilidades de liderado e comunicación.
• Amplía a túa rede de contactos a nivel nacional e europeo.
• Adquire experiencia en procesos de toma de decisións.

Tema do ciclo:

O tema para este ciclo está centrado no Youth Goal (Meta de Mocidade) #4 Información e Diálogo Construtivo estará centrado en "garantir que as persoas novas teñan un mellor acceso a información fiable, fomentar a súa capacidade para avaliar a información de forma crítica e promover un diálogo participativo e construtivo".

Ao longo deste ciclo que dura 18 meses, o trío de presidencias centrarase nos seguintes submetas:

• Submeta 4.1: capacitar as persoas novas para que sexan usuarios e produtores críticos e responsables da información.
• Submeta 4.6: garantir que os pais, nais e coidadores, así como todas as persoas implicadas na educación e a formación das persoas novas, conten con competencias en materia de alfabetización mediática e dixital e que sexan fontes de información fiables para a mocidade.

Inscrición: Formulario web