Esta expedición funciona como unha universidade itinerante a través dun modelo pedagóxico baseado nunha educación continua, transversal e integradora en continuo movemento.

• Aulas académicas: nas cales vivir a experiencia aprendendo a mirar cada lugar dunha forma máis especial a través da historia, antropoloxía, bioloxía e medioambiente, etc.
• Talleres de expedicionarios: espazo no que as e os participantes, desde o seu ámbito de estudo, poden desenvolver as súas ideas dunha forma creativa, facendo partícipe ás e os compañeiros, e colaborando así a enriquecer a experiencia das demais.
• Conferencias: nas que se achega o contexto básico para todo o grupo da historia que cuentanen cada edición. Con isto trátase non só ensinar as diversas mostras culturais dos lugares visitados e a súa xente, senón tamén de facer partícipes ás e os expedicionarios das mesmas.

Na expedición 2026, Ruta Inti percorrerá Nepal, empezando o 14 de xullo e acabando o 7 de agosto. O programa buscará achegarse á realidade e legado dos pobos e culturas tradicionais do país, aos que se irá a visitar entre as montañas máis impoñentes do mundo.