A XIII Carreira ENKI pola inclusión é unha proba lúdica e non competitiva de obstáculos, cun percorrido urbano duns 2,5 km. O circuíto deseñarase desde unha perspectiva de accesibilidade e inclusión, facilitando a participación en igualdade de oportunidades. Os obstáculos serán voluntarios e contarán con alternativas accesibles e sinalizadas.

Lugar: Explanada do Parrote. R/ Paseo do Parrote, s/n. 15001- A Coruña

INSCRICIÓNS

As inscricións abriranse o 4 de setembro ás 12:00 h e permanecerán dispoñibles ata completar o número total de dorsais habilitados pola organización.

1. En liña: a través da web https://carrera.enkiproyecto.com/
2. De maneira presencial: na planta de Deportes do Corte Inglés (rúa Ramón y Cajal, 57, A Coruña).

As inscricións finalizarán no momento en que se esgoten os dorsais dispoñibles, aínda que non se alcanzase unha data límite anunciada previamente.

A inscrición considerarase formalizada unha vez completado correctamente o proceso correspondente. Non se permitirá participar na Carreira ENKI sen o dorsal de participación.