As persoas beneficiarias das bolsas realizarán o seu labor na instalación do CGTD en Pontevedra, durante o curso escolar 2026/27.

Obrigas das persoas bolseiras: 

• Incorporarse á residencia o mesmo día que as persoas deportistas.
• Permanecer na residencia nos horarios establecidos pola dirección do centro.
• Colaborar en facilitar a convivencia e cumprir e facer cumprir as normas de réxime interno do centro informando en todo momento a Dirección do CGTD de calquera infracción que se cometa.
• Realización de actividades de apoio á Dirección do CGTD, aos técnicos responsables dos grupos de deportistas existentes implicados no programa de formación e na organización e promoción de actividades deportivas, recreativas e académicas.
• Colaborar coas preceptoras/es na organización e promoción de actividades recreativas e formativas.
• Axudar nas tarefas de control e seguimento dos estudos dos residentes, así como a colaboración con eles no aproveitamento do seu tempo de estudo.
• Notificar ás preceptoras todas as incidencias que se produzan en relación coas persoas deportistas.
• Funcións rotatorias diarias: Almorzo, comida e cea: control da lista de persoas que fan uso do servizo de comedor e recordar as normas aos usuarios do comedor. Hora de estudo: supervisión do uso correcto do espazo, control das normas de uso dos estudos, colaborar na organización de tarefas ás persoas bolseiras e distribución do tempo de traballo. Control de plantas e do cumprimento das normas da residencia. Actividades no salón de actos /sala de xogos: control e supervisión.
• Calquera outra actividade que se determine para a correcta convivencia das persoas deportistas no centro e para o desenvolvemento das súas actividades dentro do CGTD.