Concello da Coruña

Concello da Coruña

Información Xuvenil

Área de Benestar Social

Programa de mobilidade transnacional xuvenil Galicia Moza con Alma

A Consellería de Cultura, Lingua e Xuventude convoca as axudas destinadas a entidades participantes no programa de mobilidade transnacional xuvenil Galicia Moza con Alma, cuxo obxectivo é empoderar as persoas mozas vulnerables á hora de integrarse no mercado laboral, o sistema educativo ou na sociedade, mediante a realización de prácticas formativas non laborais nun Estado membro da Unión Europea.

A quen vai dirixido:

Para público en xeral

Inscricións:

Ata o 02/03/2026

Requisitos:

As entidades beneficiarias das subvencións previstas nesta orde deberán cumprir os seguintes requisitos:

  • a) Deben ser entidades privadas sen ánimo de lucro legalmente constituídas, domiciliadas en Galicia ou nun territorio membro da Unión Europea ou asociado ao Espazo Económico Europeo,
  • b) Deberán desenvolver a súa actividade en Galicia no eido da mocidade e/ou do emprego, e cumprir os requisitos establecidos na convocatoria e no artigo 10 da Lei 9/2007, do 13 de xuño, de subvencións de Galicia.

As persoas mozas participantes que formen parte do programa Galicia Moza con Alma deberán cumprir os seguintes requisitos á data en que se realice a súa selección pola entidade beneficiaria da subvención:

  • a) Ter feitos os 18 anos
  • b) Estar empadroadas na Comunidade Autónoma de Galicia cunha antigüidade mínima dun ano.
  • c) Estar inscritas no Sistema Nacional de Garantía Xuvenil e figurar como beneficiarias no ámbito da Comunidade Autónoma de Galicia.
  • d) Atoparse nalgunha das situacións de vulnerabilidade descritas a continuación:
    • - Persoas mozas con baixo nivel formativo, que teñan a ESO ou o equivalente como máximo.
    • - Persoas mozas desempregadas de longa duración, ao menos durante 12 meses.
    • - Estar empadroada nun concello rural (considerase concellos rurais todos os concellos galegos agás: Cambre, A Coruña, Culleredo, Ferrol, Narón, Oleiros, Santiago de Compostela, Lugo, Barbadás, Ourense, Poio, Pontevedra e Vigo)
    • - Persoas mozas que estean en situación ou risco de exclusión social conforme o establecido no artigo 3.1 da Lei 10/2013, do 27 de novembro, de inclusión social de Galicia.

Remuneración / Dotación:

A contía da subvención determínase aplicando un módulo por día de participación por persoa moza participante para calquera das tres fases, que está formada polos distintos conceptos:

  • a) Custo básico: importe básico de 116,19 € por persoa moza destinataria e día natural de participación no programa, en calquera das tres fases.
  • b) Suplemento diario de 21,59 € por persoa participante e día cando as persoas mozas participantes se desprazan a un Estado membro cun maior custo de vida (Dinamarca, Finlandia, Irlanda, Luxemburgo, Suecia) nos días de participación na fase de mobilidade no estranxeiro.
  • c) Na fase de mobilidade as persoas mozas participantes recibirán un suplemento diario polo importe do Estado membro de acollida, segundo o cadro por países establecido nas bases.

O número máximo de días subvencionables é de 180 por persoa moza participante, aplicándose para cada día os importes dos módulos especificados anteriormente da seguinte maneira:

  • a) Custo unitario diario: máximo 180 días.
  • b) Suplemento diario adicional aplicado na fase de mobilidade, cando as persoas mozas participantes se despracen a un Estado membro cun custo de vida superior ao de España: máximo 120 días.
  • c) Suplemento diario en concepto de axuda de custo na fase de mobilidade: máximo 120 días.

Páxina web:

http://xuventude.xunta.es

Contacto:

Consellería de Cultura, Lingua e Xuventude

Dirección Xeral de Xuventude. Servizo de Programas e Mobilidade Xuvenil 

San Lázaro, s/n (15781 - Santiago de Compostela)

Tel.: 981 544 645

correo-e: programas.xuventude@xunta.gal

Publicación: DOG 28/01/2026

Sede electrónica: procedemento CT510A

ALMA, que significa «Aim, Learn, Master, Achieve» (Aspirar, Aprender, Dominar, Lograr), é unha iniciativa da UE destinada a apoiar as persoas mozas que nin traballan, nin estudan, nin reciben formación.

FASES DO PROGRAMA GALICIA MOZA CON ALMA:

  • Todos os programas Galicia Moza con Alma deberán contar cun mínimo de 4 e un máximo de 5 persoas mozas participantes.
  • Cada proxecto de actuación constará de 3 fases que deben ser consecutivas:
    • 1. Fase preparatoria: na que se ofrece ás persoas mozas participantes unha formación personalizada no seu país de orixe
    • 2. Fase de mobilidade: unha experiencia supervisada relacionada co traballo xunto con servizos de titoría nun país da UE cunha duración de 3 a 4 meses consecutivos e que deberá finalizar, como data límite, o 31 de outubro de 2026.
    • 3. Fase de seguemento: apoio continuado ao seu regreso, para guialos á hora de utilizar as novas capacidades adquiridas para obter emprego ou seguir estudando no seu país de orixe.

SOLICITUDES: as entidades que cumpran cos requisitos establecidos nas bases presentarán as súas solicitudes obrigatoriamente por medios electrónicos a través do formulario normalizado dispoñible na sede electrónica https://sede.xunta.gal

Xunto coa documentación requerida cada entidade deberá presentar unha memoria técnica do proxecto que presenta xunto cun acordo ou compromiso de colaboración asinado coas empresas, entidades ou institucións de acollida onde as persoas mozas realizarán as prácticas formativas.

PROCESO DE SELECCIÓN DAS PERSOAS MOZAS PARTICIPANTES:

  • As entidades beneficiarias da subvención deberán publicar a convocatoria para a participación das persoas mozas participantes que cumpran os requisitos establecidos na orde nalgún dos seguintes medios: a súa páxina web, redes sociais ou radio/prensa local. 
  • Así mesmo, os extractos da convocatoria para participar nos programas subvencionados serán publicados na web da D.X. de Xuventude: https://xuventude.xunta.gal
  • Non está permitida a publicación de convocatorias de selección con carácter previo á resolución de concesión das subvencións ás entidades beneficiarias (a partir do 1 de xullo de 2026 non se realizarán novas propostas de resolución, co fin de que se poidan realizar as 3 fases e rematar os programas no prazo máximo previsto)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión