O programa estructúrase nas seguintes CATEGORIAS:

• Categoría de ESO: de 3º e 4º da ESO de calquera centro de ensino de Galicia.
• Categoría de Bacharelato: de 1º e 2º de Bacharelato de calquera centro de ensino de Galicia.
• Categoría de Formación Profesional: a mocidade estudante de calquera módulo ou ciclo de FP de calquera centro de ensino de Galicia.
• Categoría de Universidade: a mocidade estudante de grao de calquera universidade pública ou privada de Galicia.
• Categoría Posformativa: a mocidade ata 30 anos non incluída en ningunha das categorías anteriores.

INSCRICIÓN: no formulario dispoñible na web https://xuventude.xunta.gal ata o 16 de xaneiro de 2026.

• Poderán inscribirse un total de 24 equipos na Categoría de ESO, 24 equipos na Categoría de Bacharelato, 8 equipos na Categoría de FP, 16 equipos na Categoría de Universidades e 8 equipos na Categoría Posformativa.
• As prazas outorgaranse por estrita orde de inscrición, tendo preferencia aqueles centros xa inscritos a través do Plan Proxecta, facendo unha listaxe de agarda cos centros non seleccionados

FASES:

• A competición constará de fase clasificatoria -na ESO, Bacharelato e Universitaria- e fase final de eliminatoria directa. Os temas da fase clasificatoria e final publicaranse na páxina web da D.X. Xuventude http://xuventude.xunta.es
• Os 8 equipos mellor clasificados en cada categoría debaterán sobre un novo tema na fase final de eliminatoria directa, composta por cuartos de final, semifinais e final. 
• En todos os debates, os dous equipos que se enfrontarán en cada encontro defenderán posturas opostas: un asumindo a postura A FAVOR e o outro a postura EN CONTRA, que se decidirá por sorteo minutos antes do comezo do debate.

DATAS E LUGARES: as datas exactas, así como o lugar de realización dos debates dialécticos serán publicadas na web https://xuventude.xunta.gal e notificadas por correo electrónico ao coordinador/a de cada equipo.