TEMARIO: 

1. Aspectos básicos da normativa de espectáculos públicos e actividades recreativas.
2. Aspectos básicos da normativa de xogo.
3. Dereitos e deberes das persoas espectadoras e usuarias. Dereitos fundamentais.
4. Dereito de admisión.
5. Medidas de seguridade nos establecementos abertos ao público e normativa de autoprotección.
6. Normativa sobre horarios dos establecementos abertos ao público, dos espectáculos públicos e das actividades recreativas.
7. Réxime xurídico das persoas menores de idade. 
8. Aspectos básicos da normativa en materia de igualdade.
9. Conceptos básicos de primeiros auxilios.
10. Protocolo en situacións de perigo.
11. Técnicas básicas de autocontrol en situacións de extrema necesidade.

O temario estará dispoñible na páxina web da Dirección Xeral de Emerxencias e Interior na seguinte ligazón: https://conselleriadepresidencia.xunta.gal/informacion-espectaculos-publicos (apartado «Información para o persoal controlador de acceso»)

SOLICITUDES: o prazo para a presentación das solicitudes permanecerá aberto ata o día 4 de xaneiro de 2027, pero as solicitudes para unha edición concreta do curso admitiranse ata como máximo 10 días hábiles antes da realización da dita edición do curso, segundo o CALENDARIO das edicións do curso para o ano 2026:

• martes 27 de xaneiro
• martes 24 de febreiro
• sábado 14 de marzo
• mércores 15 de abril
• martes 19 de maio
• mércores 17 de xuño
• martes 21 de xullo
• mércores 30 de setembro
• sábado 24 de outubro
• martes 17 de novembro
• martes 15 de decembro

Cando se acade un número mínimo de 20 solicitudes, a AGASP programará a súa realización e publicará na súa web a listaxe de persoas admitidas e as excluídas en cada edición e as persoas interesadas recibirán un correo-e e un sms, en que se indicará toda a información relativa ao curso (data de realización e horario).

LUGAR: desenvolverase na sede da Academia Galega de Seguridade Pública (A Estrada, Pontevedra) e o horario das clases será das 10.00 ás 14.00 e das 15.30 ás 17.30 h.