O xogo das miradas é un taller de escritura creativa para a mocidade. Seguindo o exemplo dos personaxes do libro "No hay luz sin oscuridades" de Andrea Barreira, a propia Andrea fará partícipes as persoas asistentes para que aprendan a crear personaxes fuxindo de roles e estereotipos.

Ao mesmo tempo, abordarase a construción dun relato que comprenda a ollada de quen escribe (figura da persoa escritora) e de quen conta (a figura da persoa narradora).

O taller terá dúas compoñentes, unha individual na que cada un construirá os seus propios textos e outra en grupo, onde se farán exercicios compartidos a modo de xogos de escritura.