Área de voluntariado

Os cursos destinados ao voluntariado buscan ofrecer ferramentas básicas e prácticas tanto ao persoal técnico das entidades como ás persoas voluntarias, actuais ou futuras. Ademais da formación esencial en materia de voluntariado, nesta edición abórdanse temas como:

• Voluntariado ambiental
• Uso da intelixencia artificial no ámbito do voluntariado
• Educación emocional e habilidades sociais
• Apoio psicosocial

Área de xuventude

A formación diríxese a profesionais do lecer educativo e do tempo libre, persoal técnico que traballa con mocidade e tamén á propia xuventude. Os contidos inclúen:

• Deportes náuticos
• Comunicación e resolución de conflitos
• Aplicación da IA
• Inclusión no lecer
• Formación para persoas delegadas de protección da infancia e adolescencia

Prazos

• ​Cursos programados entre marzo e xuño: os formularios poderán cubrirse a partir das 09:00 h do luns 9 de marzo.
• Cursos previstos de setembro a decembro: a inscrición abrirase ás 09:00 h do martes 1 de setembro.

Inscrición

Os formularios de inscrición - un por cada acción formativa - estarán accesibles no campus en liña da web de Voluntariado (https://formacion-voluntariadogalego.xunta.gal/). Os formularios permanecerán abertos ata completar as prazas.