Procedemento de solicitude para optar aos premios extraordinarios de bacharelato terá 2 fases diferenciadas, con solicitudes diferentes para cada unha delas:

• 1ª FASE: o alumnado que cumpra os requisitos establecidos na convocatoria e que desexe optar aos premios deberá solicitar no seu centro educativo a matrícula na proba PEB. O prazo de matrícula será de 5 días hábiles desde o día seguinte á publicación da orde: do 2 ao 8 de xuño de 2026
• 2ª FASE: publicadas as cualificacións definitivas na proba PEB, o alumnado que cumpra os requisitos establecidos na convocatoria deberá formalizar unha solicitude para optar á subvención do premio extraordinario de bacharelato. O prazo de presentación de solicitudes será de 1 mes a partir do día seguinte da publicación das listaxes de cualificacións definitivas.

Estrutura da proba PEB: a proba PEB estruturarase en 2 partes, cada unha delas para desenvolver en 2 horas:

• 1ª parte: constará dun exercicio de análise e comentario crítico de un texto ou textos, sobre un tema de carácter xeral, histórico, filosófico, científico ou literario. Para a resolución do exercicio será necesario usar as dúas linguas cooficiais, agás aquel alumnado que teña recoñecida a exención de avaliación na materia de Lingua Galega e Literatura II, que poderá realizar todo o exercicio en lingua castelá. O exercicio cualificarase entre 0 e 20 puntos cun decimal.
• 2ª parte: constará de 2 exercicios:
  • 1º exercicio.- Resposta a cuestións de carácter cultural ou lingüístico sobre un texto na primeira Lingua Estranxeira II cursada polo alumnado como materia común do bacharelato. O exercicio realizarase sen dicionario e no idioma correspondente.
  • 2º exercicio.- Desenvolvemento de temas, respostas a cuestións e/ou exercicios prácticos dunha materia de modalidade cursada polo alumnado, para elixir entre as seguintes, segundo a modalidade de bacharelato cursada: Ciencias Xerais, Matemáticas II, Matemáticas Aplicadas ás Ciencias Sociais II, Latín II, Debuxo Artístico II, Análise Musical II e Artes Escénicas II. 
  • Cada un dos 2 exercicios cualificaranse entre 0 e 10 puntos cun decimal.

A cualificación de cada parte da proba PEB obterase mediante a suma das cualificacións dos exercicios que a compoñen. A cualificación total será a suma das cualificacións obtidas en cada parte da proba PEB.

Realización da proba PEB terá lugar o día 16 de xuño de 2026 nos lugares e no horario que se darán a coñecer mediante resolución publicada en  www.edu.xunta.gal/premiosedu