Grao en Socioloxía

Nivel de estudos

-101

Información xeral

Ofertado por: Universidade da Coruña

Rama de coñecemento: Xurídico Social

Requisitos

• Bacharelato e superación das PAAU
• Titulados de Ciclos Formativos de Grao Superior
• Titulados Técnicos Superiores de Ciclos de Artes
• Probas de acceso á Universidade para maiores de 25
• Probas de acceso á Universidade para maiores de 45

Perfil profesional

Ámbito: O perfil é o do/a profesional capaz de fomentar e ampliar a capacidade de explicación sobre a sociedade e contribuír ao seu desenvolvemento e á mellora da calidade de vida. É capaz de deseñar proxectos de investigación social e realizar a análise explicativa dos fenómenos sociais concretos. Está capacitado/a para manexar fontes de datos primarias e secundarias, produción e análise de datos cuantitativos e cualitativos, a interpretación de indicadores sociais e instrumentos de medición social, e para manexar programas informáticos aplicados á investigación social. Profesionais amplamente capacitados/as cunha formación rigorosa, flexible, transversal e con conexións interdisciplinares. Como profesionais non están limitados/as a unhas liñas de traballo, senón que están adaptados/as a un contexto laboral global, dinámico e cambiante.

Sectores: Administración (nun nivel local, rexional, estatal ou internacional), empresas privadas, sindicatos, organizacións empresariais, organizacións propias do terceiro sector (fundacións, ONG e entidades non lucrativas en xeral), docencia regrada e non regrada, investigación, recursos humanos e selección de persoal, axencias de enquisas, publicidade e mercadotecnia, estatística e investigación de mercados.

Profesións para as que capacita: Intervención social: en casos de conflito e desviación social, deseñar estratexias de intervención, prever as consecuencias das medidas de intervención, coñecer a problemática das minorías e grupos desfavorecidos; coñecer os feitos que conforman estas situacións desde a perspectiva económica, demográfica e cultural. Investigación social aplicada: deseñar investigación social aplicada e indicadores sociais; producir, analizar e xestionar información cuantitativa e cualitativa; deseñar e aplicar estratexias de comunicación para organizacións; deseñar, realizar e analizar estudos de opinións de grupos e segmentos do mercado (hábitos de consumo, imaxes de marca, viabilidade, etc.), sobre mercadotecnia política, comercial e social. Organización do traballo: desenvolver métodos e procesos de traballo, posuír coñecementos de intercomunicación social e técnica das organizacións, realizar diagnóstico do clima laboral e de satisfación dos membros, avaliar os postos de traballo para detectar riscos laborais, dirixir os recursos humanos e as relacións laborais, coordinar e xestionar equipos interdisciplinares, coordinar a formación continua, fomentar e xestionar a cultura de empresa e inserción social de colectivos con dificultades de acceso ao emprego, asesorar sobre adquisición e xestión dos recursos, mercados laborais, estudo dos perfís profesionais. Políticas públicas: deseñar e prever as consecuencias das políticas de emprego, seguridade social, saúde, ambientais, desenvolvemento local, culturais, educación, preventivas de exclusión social, de igualdade, etc., e o impacto social das políticas económicas. Coñecer os procedementos de xestión dos recursos públicos.

Plano de estudos

Distribución de ETCS por tipo de materia: 

Tipo de materia	Formación básica	Obrigatorias	Optativas*	Prácticas externas	Traballo fin de grao	Total
Créditos ECTS	60	120	36	12	12	240

*As materias optativas cursaranse no cuarto curso

Plano de estudos

PRIMEIRO CURSO
Tipo de materia	Materia	Créditos
Formación básica	Antropoloxía Social e Cultural	6
Formación básica	Economía Política	6
Obrigatoria	Estatística Aplicada ás CCSS I	6
Formación básica	Introdución á Socioloxía	6
Obrigatoria	Teoría e Historia da Poboación	6
Formación básica	Historia Política e Social Contemporánea	6
Formación básica	Introdución á Ciencia Política e da Administración	6
Formación básica	Métodos e Técnicas de Investigación Social	6
Formación básica	Psicoloxía Social	6
Obrigatoria	Teoría Sociolóxica I	6
SEGUNDO CURSO
Tipo de materia	Materia	Créditos
Obrigatoria	Estatística Aplicada ás CCSS II	6
Formación básica	Relacións Internacionais	6
Formación básica	Sistemas Políticos Comparados	6
Formación básica	Socioloxía do Xénero	6
Obrigatoria	Teoría Sociolóxica II	6
Obrigatoria	Análise Multivariante de Datos Sociais	6
Obrigatoria	Estrutura e Cambio Social	6
Obrigatoria	Socioloxía da Educación	6
Obrigatoria	Socioloxía do Traballo	6
Obrigatoria	Socioloxía Económica das Organizacións	6
TERCEIRO CURSO
Tipo de materia	Materia	Créditos
Obrigatoria	Desviación e Control Social	6
Obrigatoria	Fundamentos de Análise Demográfica	6
Obrigatoria	Metodoloxía da Investigación por Enquisas	6
Obrigatoria	Socioloxía da Familia	6
Obrigatoria	Socioloxía Política	6
Obrigatoria	Política Social e Servizos Sociais	6
Obrigatoria	Socioloxía da Comunicación e da Opinión Pública	6
Obrigatoria	Socioloxía da Saúde e da Enfermidade	6
Obrigatoria	Socioloxía do Consumo e Investigación de Mercados	6
Obrigatoria	Socioloxía Urbana e Ordenación do Territorio	6
CUARTO CURSO
Tipo de materia	Materia	Créditos
Optativa	Análise de Políticas Públicas	4.5
Optativa	Análise Sociolóxica de Textos e Discursos	4.5
Optativa	Crecemento e Desenvolvemento Económico	4.5
Optativa	Fontes de Datos Secundarios para o Estudo da Sociedade	4.5
Optativa	Historia das Ideas e Formas Políticas	4.5
Optativa	Metodoloxía da Investigación Etnográfica	4.5
Optativa	Metodoloxía, Técnica e Estratexias para o Deseño e Elaboración de Proxectos e Traballos de Investigación	4.5
Optativa	Relacións Grupais e Intervención Psicosocial	4.5
Prácticas Externas	Prácticum	12
Optativa	Acción Colectiva e Cooperación Social	4.5
Optativa	Estrutura e Cambio Social de Galicia	4.5
Optativa	Globalización, Medio Ambiente e Poboación	4.5
Optativa	A Función dos Recursos Humanos na Empresa	4.5
Optativa	Proxeccións da Poboación	4.5
Optativa	Risco, Cultura e Medio Ambiente	4.5
Optativa	Socioloxía da Cultura e Proxectos Socioculturais	4.5
Optativa	Socioloxía das Migracións	4.5
Traballo Fin de Grao	Traballo Fin de Grao	12

Máis información

• Web da Facultade  
• Guía docente do Grao en Socioloxía
• SAPE: Servizo de apoio e promoción do/a estudante

Normativa Legal

Memoria do Grao en Socioloxía

Entidades relacionadas

• Facultade de Socioloxía