As Bibliotecas queremos ver florecer as letras esta primavera, por iso organizamos o Festival literario e cultural "PrimaLetras" para celebrar na cidade da Coruña todas as efemérides relacionadas co libro e a lectura que se aglutinan nos meses da primavera (marzo/maio), con especial atención ao 23 de abril (día do Libro).

O noso obxectivo de dar visibilidade ao talento literario e á efervescencia cultural que vivimos na actualidade e, ao mesmo tempo, ofrecer actividades de calidade para as persoas usuarias das bibliotecas municipais que confían no noso traballo e o demostran participando en todas as propostas que lles facemos.

Durante os meses de marzo a maio, celebraremos as seguintes efemérides con diversos actos e actividades ao longo das semanas:

• 21 de marzo: día da poesía
• 27 de marzo: día do teatro
• 02 de abril: día do libro infantil e xuvenil
• 23 de abril: día do libro
• 01 de maio: día da banda deseñada
• 17 de maio: día das letras galegas

Tomade nota de toda a programación.