O grupo de folk coruñés Luar na lubre pecha a primavera dos libros e das letras interpretando algúns dos seus temas.

Con máis de 30 anos de historia profesional e con dous discos de ouro ao longo da súa traxectoria, Luar na lubre é unha das bandas de música celta máis importantes de toda Europa. Recoñecido con galardóns como Mellor Álbum Tradicional por "Camiños da fin da terra" (Premios da Música, 2008) ou "Ao vivo" (Premios da Música, 2010), Luar na lubre é un referente da música folk que participou nos principais festivais de World Music xunto a artistas como Mike Olfield, The Waterboys, The Corrs ou Bob Geldof.

O seu último traballo, "Vieiras e vieiros" (Warner Music, 2020), pon banda sonora ao Camiño de Santiago ao seu paso por Galicia a través de 27 temas.

CONVITES

Repatiranse os convites, ata esgotárense, co préstamo de material en lingua galega (libros, películas, CDs de música etc.) dende o luns 16 de maio nas bibliotecas municipais no horario de apertura de cada centro.

Faranse dúas quendas de reparto: en horario de mañá e horario de tarde.

Horario de mañá: a partir das 9.00 h, salvo na Biblioteca de Durán Loriga, que será a partir das 12.00 horas.

Horario de tarde: a partir das 16.00 h, agás no Punto de Servizo de Mesoiro, que será a partir das 17.30 horas.

Repartiranse dous convites por carné.