O sábado 2 de outubro ás 12 h. na Biblioteca Fórum Metropolitano celebramos a III Semana da Paleontoloxía, con obradoiros infantís dirixidos a nenos e nenas de 4 a 12 anos.

Xornada de obradoiros para descubrir a paleontoloxía e a historia da Terra de forma práctica e divertida. Os nenos e nenas poderán converterse en paleontólogos por un día escavando e descubrindo fósiles, identificar diferentes especies fósiles, crear as súas propias réplicas con arxila e participar en xogos de pistas para reconstruír a historia xeolóxica da Terra e comprender o movemento das placas tectónicas. As diferentes propostas estarán adaptadas á idade das persoas participantes.

Organizada polo CICA (Centro Interdisciplinar de Química e Bioloxía) e o Instituto Universitario de Xeoloxía (IUX) da Universidade dá Coruña, a Semana conta coa colaboración de CITEEC, os Museos Científicos Coruñeses, as Bibliotecas Municipais da Coruña, a asociación de divulgación científica UDC Big Bang, o Concello da Coruña e o Bar Árnica.