Requisitos dos textos

Os textos remitidos polas persoas participantes poderán ser en galego ou castelán, e terán unha extensión máxima de 150 palabras, sen incluír o título.

Os textos serán orixinais, inéditos en calquera medio e/ou soporte (incluído online) e non terán sido premiados en ningún certame con anterioridade. As persoas participantes responden ante as Bibliotecas Municipais da Coruña da autoría e orixinalidade do microrrelato, asumindo a total responsabilidade ante terceirxs.

A temática do microrrelato deberá estar relacionada co ámbito LGTBQi (Lesbianas, Gais, Transexuais, Bisexuais, Queer e intersexuadxs).

Envío dos textos

Os microrrelatos orixinais deberán ser remitidos ás Bibliotecas Municipais da Coruña.

No asunto deberá figurar “Certame Microrrelatos”. Non se admitirán formularios cubertos con diferente asunto.

No corpo do correo deberá figurar únicamente “As Municipais Entenden”.

O relato deberá achegarse como arquivo adxunto no propio formulario.

Publicación

Os textos seleccionados serán publicados paulatinamente no facebook das Bibliotecas e pasarán a formar parte permanente da wiki As Municipais Entenden como recurso aberto á consulta.

Prazo de presentación

O prazo de presentación dos textos comeza o venres 27 de Maio ás 00:00 e remata ás 23:59 do domingo 19 de Xuño de 2016.

O xurado

As persoas que conformen o xurado terán a capacidade de definir os seus propios criterios para valorar os relatos e a puntuación asignada a cada un deles: orixinalidade, carácter narrativo, corrección na escrita…

Tanto para a selección como para os desempates, favoreceranse aqueles relatos cuxa autor·a non tivera recoñecemento previo ao concurso.

Sistema de votación

No día e hora marcados como fin do proceso de recepción, anunciarase no Facebook das Bibliotecas. Unha vez rematado o prazo de presentación, os relatos estarán á disposición das persoas que formen o xurado por medio dunha carpeta de Google Drive das Bibliotecas Municipais onde os relatos estarán gardados en formato pdf sen maior indicativo que un número identificativos correlativo.

O sistema de votación variará en función dos microrrelatos recibidos:

• De 1 a 50: Unha sola rolda no caso de non haber empate, na que se puntuará de 1 a 5 cada microrrelato. Cada persoa que conforme o xurado enviará por correo as súas votacións a puntuación a cada número de relato. Duración: 2 días, para dispor de outros 2 no caso de empate.
• De 50 a 100: Neste caso desenvolverase en dúas roldas de votación de dous días cada unha (total de 4) e dispor de outros 2 en caso de empate. Neste caso, aqueles relatos que non cheguen a un 8 (media de 2 por xurado) serán desbotados para a seguinte rolda.
• + 100: o procedemento será igual que no segundo dos supostos pero serán desbotados da primeira rolda aqueles que non cheguen a 12 puntos (media de 3 por xurado).

Resolución do xurado

O xurado estará formado por 4 persoas de diferentes ámbitos e nomeará os 10 traballos finalistas que se farán públicos no Facebook das Bibliotecas o 27 de Xuño.

Xs autorxs seleccionadxs serán notificadxs tamén vía telefónica para estar presentes no acto de entrega do premio.

O día 28 de Xuño, coincidindo coa propia efeméride dos altercados de Stonewall que deron comezo á celebración desta data, farase entrega do premio ao relato gañador.

Premio

O premio consiste nun lote de materiais didácticos

Outros

O xurado resérvase o dereito de non admitir a concurso aqueles microrrelatos que, entre outros, atenten contra o dereito á intimidade ou propia imaxe de terceirxs; do mesmo xeito quedarán excluídos aqueles relatos que promovan comportamentos sexistas, racistas ou calquera tipo de actitude discriminatoria.

Os textos que incumplan as bases serán descalificados. O incumprimento dalgunha das bases dará lugar á exclusión dx participante. Os dereitos de autoría seguirán sendo de cada un·ha dxs participantes, mais a participación no certame supón a cesión do dereito á publicación na rede nos termos previstos no punto referido á publicación.

 

Entendes as bases?