O 14 de outubro de 2025, ás 18:00h na biblioteca municipal Sagrada Familia mergullámonos no fascinante mundo da poesía oral improvisada en verso: a regueifa. Unha tradición galega única onde as palabras nacen no momento, ao compás da inspiración e a axilidade mental.

Neste obradoiro dinámico e inspirador, os participantes coñecerán esta manifestación artística do noso patrimonio cultural e experimentarán coa creación de versos propios. Traballarase a autoestima, a creatividade e a axilidade mental mentres se espertan posibles vocacións poéticas nun ambiente de diversión e aprendizaxe.

Lupe Blanco impartirá esta sesión dirixida a participantes a partir dos 8 anos. O método regueifeiro vai ser revolucionario!