- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da Área de Benestar Social, Participación e Igualdade. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Prácticas na FAO
Inscricións:
Ata o 15/02/2026
O programa de prácticas da Organización das Nacións Unidas para a Alimentación e a Agricultura (FAO) ofrece a persoas estudantes e recentemente graduadas unha oportunidade para combinar os seus coñecementos académicos con experiencia práctica en agricultura, alimentación e campos relacionados.
-
A Radio Conta
Cando:
27/12/2025
Como cada Nadal volve "A Radio Conta", o programa conxunto das emisoras da Coruña chega á súa 13ª edición. Nesta ocasión, o recadado doarase á asociación sen ánimo de lucro ACCEM, que traballa na inserción social e laboral de persoas migrantes. Terá lugar na sede da Fundación Barrié.
-
Habilidades que marcan o futuro: construíndo o talento de mañá
Cando:
26/12/2025
A Fundación Barrié organiza esta conferencia na súa sede da Coruña.
-
28 bolsas de perfeccionamento de estudos artísticos da Deputación da Coruña
Inscricións:
Dende o 16/03/2026 ata o 16/04/2026
ás 14:00 horas.
A Deputación Provincial da Coruña convoca 28 bolsas destinadas a financiar o gasto derivado da realización de estudos artísticos presenciais ou semipresenciais fóra de Galicia.
-
Reinventio
Cando:
Dende o 03/01/2026 ata o 04/01/2026
O Teatro Colón acolle en xaneiro "Reinventio", un espectáculo galego de gran formato que conxuga maxia, danza e artes circenses para transformar a ilusión nun relato visual e emocional.
-
XXXVIII Premio de Novela Manuel García Barros
Inscricións:
Ata o 31/01/2026
O Concello da Estrada, en colaboración coa Secretaría Xeral de Política Lingüística e a Editorial Galaxia, convoca o XXXVIII edición do Premio de Novela Manuel García Barros (Ken Keirades)
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible