Na Categoría Internacional, e como símbolo de todas/os as/os médicas/os e sanitarios/as de Gaza, recolle o recoñecemento o Dr. Refaat Alathamna, chegado a España hai uns días xunto á súa familia despois de lograr saír da Franxa de Gaza.

Na Categoría Galicia recolle o recoñecemento o oftalmólogo cisxordano Mohamed Safa, quen afincado desde hai décadas na nosa terra non deixou de defender e visibilizar os dereitos e a loita do seu pobo converténdose nun destacado referente da mesma.

Os Recoñecementos serán entregados polo cineasta Javier Fesser, que mediou para lograr traer a toda a familia de Refaat Alathamna a España, e por Susana Alaniz da Asociación Fuco Buxan.

Presentará o acto a actriz Cris Iglesias.

Actuación musical de: membros de Citania.

Lugar: Fundación ONCE R/ Cantón Grande, 3. 15003- A Coruña