Ofértanse 20 prazas para cada un dos campos de traballo seguintes:

• Campo de voluntariado ambiental: desenvolveranse tarefas de adecuación do espazo ambiental mariño e costeiro na ría de Arousa (provincia de Pontevedra):
  • Datas: entre os días 23 de xullo ao 3 de agosto.
  • Aloxamento: no Albergue Xuvenil das Sinas (tendas de campaña), no concello de Vilanova de Arousa, en réxime de pensión completa.
• Campo de voluntariado cultural: desenvolveranse tarefas de apoio ao equipo de escavación e mantemento do castro de Viladonga, no concello de Castro de Rei (provincia de Lugo):
  • Datas: entre os días 26 de agosto ao 6 de setembro. 
  • Aloxamento: no Hotel Río Lea (habitacións dobres), no concello de Castro de Rei, en réxime de pensión completa.

Destinaranse varios días completos e unha parte das xornadas a actividades complementarias, entre as que se incluirán percorridos e visitas a lugares de Galicia de especial relevancia histórica, patrimonial, ambiental e natural, diversos encontros en empresas e entidades públicas educativas e unha xornada conxunta na sede da Secretaría Xeral da Emigración en Santiago de Compostela. Tamén haberá momentos de tempo libre e veladas e outras accións de animación que favorezan a integración e a amizade entre as mozas e os mozos dos distintos lugares de procedencia e o intercambio cultural.