Concello da Coruña

Concello da Coruña

Información Xuvenil

Área de Benestar Social

Novo período de solicitude dos Locais de Ensaio

Desde este mércores, 25 de marzo, pódese optar a unha das 48 prazas semanais de ensaio para o vindeiro semestre nos Locais de Ensaio do Concello da Coruña, servizo municipal destinado a facilitar un espazo para o ensaio musical, de xeito gratuíto e en condicións de igualdade, para mozos e mozas da Coruña, solistas ou membros de grupos como espazo onde desenvolver as súas inquedanzas musicais.

A quen vai dirixido:

Para público en xeral

Inscricións:

Dende o 25/03/2026 ata o 09/04/2026

Ata as 13:00 h.

Requisitos:

  • O equipamento acollerá os grupos do concello da Coruña, cuxos integrantes teñan un mínimo de 12 anos cumpridos a 1 de maio de 2026.
  • Considéranse grupos do concello da Coruña aqueles en que, cando menos a metade dos seus compoñentes, estean empadroados na Coruña ou matriculados nalgún centro educativo do concello da Coruña no curso 2025/2026.
  • Daráselles prioridade a aqueles grupos cuxos compoñentes sexan menores de 30 anos. Porén, os grupos musicais nos que algún ou algúns dos membros excedan da referida idade terán igualmente a consideración de grupos xuvenís, para os efectos de poder acceder ao uso dos locais cando polo menos a metade dos seus membros cumpran o requisito da idade.

Páxina web:

http://locaisdensaio.blogspot.com/

Organiza:

 Concellaría de Igualdade, Benestar Social e Participación

Contacto:

Locais de Ensaio

R/ Francisco Pérez Carballo 2 (Coliseum)

15008 - A Coruña

Email: locaisdensaio@gmail.com

Documentos:

Bases da convocatoria (360 KB)

Autorización a menores (584 KB)

Os novos grupos residentes terán a posibilidade de desenvolver, de balde, o seu proxecto musical nun espazo totalmente equipado, podendo gravar as súas composicións no estudio, depurar a súa imaxe corporativa, gañar experiencia enriba dun escenario en eventos e festivais, e recibir o apoio que precisen con titorias específicas para cada proxecto.

Inscrición

Deberase facilitar toda a documentación requerida ao enderezo electrónico xuventude@coruna.gal. As inscricións deberán achegar:

  • Formulario de inscrición debidamente cuberto, descargar aquí.
  • Fotocopia do DNI de cada membro do grupo.
  • Volante de empadroamento no Concello da Coruña (con data de 2026), ou ben certificado de matrícula escolar para o curso 2025/26 nun centro da cidade de, cando menos, a metade dos/as compoñentes do grupo.
  • No caso de haber menores de idade no grupo, engadirase o permiso paterno/materno ou do/a titor/a, asinado e acompañado pola fotocopia do DNI da persoa que dá o permiso.

Calendario 

  • Prazo de alegacións: as persoas interesadas poderán presentar as alegacións que estimen oportunas na defensa dos seus intereses, nun prazo de 5 días naturais, a partir da publicación da listaxe provisional.
  • Listaxe definitiva: unha vez transcurrido o prazo de alegacións publicarase a listaxe definitiva de grupos admitidos, e convidarase por e-mail aos grupos aptos á xuntanza de adxudicación dos novos horarios. 

Non perdas

Non perdas

Inscrición en actividades

Proceso de inscrición nas actividades. Despois de cubrir e enviar un formulario recibirás un correo electrónico de confirmación.

+INFO

Como inscribirme nunha actividade

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión