- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da Área de Benestar Social, Participación e Igualdade. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Curso Santander | USA Summer Experience - UPENN 2026
Cando:
Dende o 11/07/2026 ata o 01/08/2026
Inscricións:
Ata o 02/03/2026
Os fideicomisarios da Universidade de Pensilvania, co apoio financeiro da Fundación Banco Santander, desenvolveron este curso que facilitará e promoverá que persoas non nativas de fala inglesa, maiores de 18 e menores de 30 anos no momento da solicitude ao Programa, e que sexan nacionais ou residentes de Alemaña, Arxentina, Brasil, Colombia, Chile, Perú, España, EE. UU., México, Portugal, Reino Unido ou Uruguai, melloren o seu coñecemento do inglés para avanzar nas súas carreiras no mercado global.
-
Skills for Work Full Access - Coursera. Santander Open
Inscricións:
Ata o 30/03/2026
Academy É un programa gratuíto e en liña que combina os mellores cursos dispoñibles do catálogo Corporativo de Coursera, especialmente seleccionados para Santander Open Academy considerando habilidades tecnolóxicas, dixitais e profesionais. Aprende ao teu ritmo sobre IA xenerativa, ciberseguridad avanzada, análise de datos, certificacións profesionais e habilidades do futuro mediante itinerarios formativos deseñados por categorías.
-
18 prazas Corpo de Inspectores do SOIVRE
Inscricións:
Ata o 28/01/2026
O proceso selectivo realizarase mediante o sistema de oposición. Este proceso incluirá a superación dun curso selectivo, cuxo contido e desenvolvemento diferirá do valorado nas fases previas.
-
12 prazas Corpo de Enxeñeiros Técnicos do SOIVRE
Inscricións:
Ata o 28/01/2026
O proceso selectivo realizarase mediante o sistema de oposición. Este proceso incluirá a superación dun curso selectivo, cuxo contido e desenvolvemento diferirá do valorado nas fases previas.
-
Deseño e estratexia de vendas - eFundae
Inscricións:
O prazo está aberto permanentemente.
Fundae organiza 6 itinerarios formativos gratuítos e en liña que che permitirá adquirir e demostrar habilidades crave en márketing, deseño de servizos e produtos, comunicación e xestión de comunidades dixitais. Estes niveis pódense realizar de forma independente ou completar cada un deles. O itinerario é autoformativo.
-
Representación de "Silencio cómplice"
Cando:
17/01/2026
O auditorio do Fórum Metropolitano acolle a representación de "Silencio cómplice", unha obra teatral que afonda nas feridas que deixa a violencia psicolóxica e estrutural exercida sobre as mulleres a través dunha proposta escénica coral.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible