A cidadanía poderá participar, de luns a venres, en horario de mañá e tarde, nas seguintes modalidades deportivas: ioga, tai-chi, ximnasia aeróbica, zumba, maiores en forma, pilates e tonificación muscular. As actividades estarán dirixidas por persoal especializado, que guiará ás persoas participantes a través dos distintos exercicios. As actividades terán un nivel de intensidade moderado para adaptarse a todo tipo de niveis de condición física das persoas participantes.

Este 2026 haberá once espazos sinalizados repartidos por distintos barrios da cidade, nos que se levará a cabo o programa Coruña en Forma: miradoiro do Matadoiro, parque de Oza, Barrio das Flores, praia de Riazor, praza Elíptica, parque de Vioño, praza dos Mariñeiros, praza dos Avós, Novo Mesoiro (campo Cruyff Court), praza de ExpoCoruña e praza de Eirís.

• Plano Situación Actividades - CORUÑA EN FORMA 2026: https://www.coruna.gal/descarga/1453920489016/Plano-Coruna-en-Forma-2026.png