PARA PARTICIPAR EN NOCTURNIA...

1. Bótalles un ollo a todas as actividades (ver PDF adxunto coa programación completa).

Mira as que sexan para a túa idade. Lembra que son para persoas de 12 a 30 anos, aínda que algunhas poden concretar máis as idades dentro de cada tramo.

2. Se xa sabes a cal ir, inscríbete nos prazos marcados. As inscricións son semanais, ábrense os luns ás 16.00 h e péchanse os xoves ás 12.00 h, ou ao se esgotaren as prazas. Se as actividades son de continuidade só hai que inscribirse unha vez.

3. Para acceder ás actividades será obrigatorio cumprir a normativa sanitaria vixente, e aceptar as condicións de participación no programa que se porán en coñecemento de cada participante. 

4. Non esquezas traer o teu DNI ás distintas actividades nas que te inscribises.

Todas aquelas inscricións que non leven os datos correctamente cubertos serán dadas de baixa nas actividades e seralle notificado á persoa en cuestión a través de correo electrónico no caso de que sexa posible.

Se es menor de idade, lembra que tes que traer impresa a autorización materna ou paterna ( Autorización actividades Nocturnia ), ademais da copia do DNI da persoa que autoriza.

5. Segues con dúbidas? Consúltanos calquera cousa que precises a través do correo electrónico nocturniacoruna@gmail.com

Inscrición nas actividades dende o 11/05/2026 ás 16.00 h ata o 14/05/2026 ás 12.00 h ou ata esgotárense as prazas.

VENRES 15 DE MAIO 2026

NocturniaTech II: Construíndo con IA | Debate e Taller

• Das 19.00 ás 21.30 h
• Espazo Xuvenil O Remanso

Obradoiro de diario visual

• Das 21.15 ás 23.15 h
• Centro Ágora

Diademas florais

• Das 21.15 ás 23.15 h
• Centro Ágora

Electrónica sostible: Aprende a entender e identificar fallas básicas en circuitos electrónicos

• Das 21.15 ás 23.15 h
• Centro Ágora

Iniciación á danza coreográfica expresiva

• Das 21.15 ás 23.15 h
• Centro Ágora

SÁBADO 16 DE MAIO 2026

Elaboración de produtos de terrazo con plásticos reciclados

• Das 19.00 ás 21.00 h
• Naves de Metrosidero

Elaboración dun móvil decorativo de medusas de tela montado en madeira de deriva

• Das 19.00 ás 21.00 h
• Naves de Metrosidero

Surf iniciación

• Das 16.00 ás 18.00 h
• Praia de Bastiagueiro

Roteiro ambiental urbano: Anfibios da cidade da Coruña

• Das 18.00 ás 21.00 h
• Feáns | Novo Mesoiro

Vén a escalar

• Das 19.00 ás 21.00 h
• Sala AMI

E, por último, para as actividades que precisen algo específico (roupa cómoda ou deportiva, traxe de baño e gorro...) enviarémosche un correo electrónico ou un SMS indicándocho.